هو حضرتك أخرس؟؟!!

هو حضرتك أخرس؟؟!! %D9%84%D8%A7+%D8%A7%D8%B3%D9%85%D8%B9

كان ماشي في حاله..مش بينطق بكلمة واحدة..إنسان سلبي جدا جدا..لو شاف حد بيموت أدامه مش بيتهز

ولو لقى حد بيستنجد بيه بيجري بعيد ولا على باله

كمان لو حد ضربه مش بيعترض ولو حد ظلمه مش بيتكلم

ولو شاف بلده بتصرخ..وشاف الظلم بعينه بيغمض وينسى نفسه

حقيقي أنا استغربت جدا من تصرفاته

عشان شايفة إن ربنا أنعم عليه بلسان يقدر يتكلم بيه ويقول اه ويقول لأ

بس هو مكنش بينطق

اضطريت اسأله: هو حضرتك أخرس؟!

مردش صاحبنا

قربت شوية وسألته: هو حضرتك أخرس؟؟!!

ولا حياة لمن تنادي

استنفذ صبري..وخلاني أصرخ في وشه

هو حضرتك أخرس؟؟؟؟؟؟؟!!!!!!

وقتها رفع صاحبنا عينه..وقالي أنا مش أخرس..بس عايش على مبدأ(خليك جمب الحيط)

أهنته بنظرات قاتله..فرجع تاني يبص للأرض

قمت سألته: ليك عقل؟

قال" طبعا

سألته تقدر تفكر؟

قال: أكيد طبعا

سألته طب عندك لسان؟!!

قال: أمال بتكلم ازاي؟

ساعتها عرفت إن صاحبنا مش أخرس..بس ممكن نقول أخرس مجازيا

وحبيت أطرح آخر سؤال فقلت له: هو حضرتك مرتاح بالسكوت دا؟

بكى صاحبنا المسكين..وحكالي إنه تعب من الإستبداد المنتشر..عشان كدا بقى أخرس

قاطعته في الكلام وقلت استنى لحظة..إحنا فشلنا وهما نجحوا

بان عليه ملامح الإستغراب..وقالي هما مين؟

قلت له...تعرف الناس اللى سرقت بلدنا وبتظلمنا كلنا؟ قالي أعرفهم طبعا

قلت له : دول عايزين يقمعوا صوتنا خالص..وعايزنا نخرس ونمشي جمب الحيط

واحنا عايزين نوصل للغاية الكبيرة(ربنا)..وعشان نوصلها لازم نتكلم ونعترض على الغلط ونقول هنعيش أحرار

لما بقى يتوغل اليأس عشان يسكن في قلبي وقلبك..وقتها نبقى احنا المثل للأخرس اللي الدولة عايزاه

ونكون فشلنا وهما نجحوا

عشان كدا أنا بقلك طلع لسانك في البلد دي..إوعى تدخله خالص..صدقني هتبقى أخرس

حضرتك ليك قلب..يعني أكيد بتحس وعندك مشاعر حزن ومشاعر فرح

حضرتك ليك عقل..يبقى أكيد تقدر تميز الصح من الغلط

وحضرتك ليك لسان...يقدر يعترض ويقدر يقبل

وكمان تقدر تفكر..إزاي قلبك ميتألمش

بعد ما شفت كل النعم دي عندك..حبيت اسألك"هو حضرتك أخرس؟!"

غزة بتموت..وقلوبهم في نحيب..أطفالهم شابوا من الرعب..وأمهاتهم بتبكي دم

غزة بتموت..بس مش هتموت..اه والله مش هتموت

عارف لما تتولد حريتك مقتولة لحد ما تموت..هتحس بإيه؟؟

صحباتي في غزة بيرددوا(إذا كان العمر يقاس بالسعادة فاكتبوا على قبورنا أنا لم نعش)

حضرتك حاسس؟..أنا متأكدة إنك حاسس..عارف ليه؟

عشان قلبك لسه بيحس ولسه بينبض بالفطرة الإنسانية

دول إخواتك..وأهلك وأمهاتك...دول إحنا وإحنا هما

يبقى إزاى تبقى عايش ومش عايش؟

أرجوك فجر صوتك

أرجوك اصرخ وسمع العالم صرختك وقول لكل ظالم"

أنـــــــــا مش أخــــــــــــــــــرس"

أيوا حضرتك مش أخرس

تقدر تتكلم

تقدر تقول لا لحصار غزة

تقدر وتقدر وتقدر

عارف ليه؟

عشان حضرتك مش أخرس..

طلع لسانك..وريه لكل العرب..وإوعى تدخله تاني

عارف تتكلم إزاي؟

قوم انشر خبر غزة بين كل صحابك واللي حواليك

كلمهم عن الإنسانية..عن الحب اللى مات بينا

وقلهم لازم نعمل إيه

كمان قلهم إن العشرة الأوائل من ذي الحجة هيكون لغزة فيهم دعاء مكثف عند الفطار

وكمان قاطع يا صاحبي..وخلي عزيمتك تعلى وتعلى

وقلهم إن تشكلتش اللى بشلن دي هي سبب الرصاص اللي مات بيه الأطفال

كمان اجمع تبرعات وخدها بسرعه على لجنة الإغاثة الإنسانية

واستغفر ربنا على كل ذنب عملته عشان دعائك يستجاب بسرعة وعشان العذاب مش بينزل على أمة

غير بذنوبها

ولما تسمع إن في مظاهرة أو وقفة عشان غزة قوم واجري وجدد نيتك وروح اقف عارف ليه؟!

أبسط حاجة هتدخل السرور على قلب الغزاويين

كمان واحد رايح يعترض زائد واحد زائد واحد

إذن حكومتنا النظيفة دى هتعرف إن الحقانيين والغيورين على دينهم كتير

وأخيرا لما تقف يوم القيامة بين إيدين ربنا ويسألك..هتقله يارب أنا مكنتش أخرس

وتقدمله عذرك

أكيد حضرتك مش أخرس..

مش صح برضه؟

منقووووووووووووووووووووووول